21 juin 2006

الحلم

تظهر بنت على خشبة المسرح لوحدها تحكي عن نفسها و هي تحمل ملامح الحزن على وجهها لكنهل تحاول اخفائها بمرحها الهزلي

السلام عليكم كيديرين بخير كالعادة المغربي كتقول لو كديير كيقول ليك لاباس واخا راه هو عامر غير هموم و حزن لكن هده هي الحياة  ما خصهاش تاخدها كلها هموم واخا راك انت عامر غير هموم بحال شي خابية ديال الماء عامرا خاصها امتى تخوا باش تعاود تعمر لاحقاش هي هاديك حياتها هاكدا داير الانسان هههههههههههههههههها...هههه

.خلينا من الهموم انا دابا وجدت واحد مشروع واعر عرفتوا اشنوا هو كل واحد فيكم يجي حدايا و يقول نكتة بغا نضحك و تضحكوا معايا و لي قال شي نكتة واعرة غادي يربح فنيدة ديال 2 ريال او غادي يربح اكبر جائزة عرفتوا اشنوا هي تصرفقة مشي تصرفقة ديال الوجه لا ديال الزمان 

ايه على دكر الزمان اشنوا ما غاداش انا دابا نكون طبيبة كيف كنت باغا فاش كنت صغيرة لا اش من طبيبة غادا نكون معلمة لا غادا نكون موظفة كبيرة لا غادا نكون مديرة و نتحكم في كاع عباد الله لي خدامين معايا لا غادا نكون استادة ديال المات اش من المات ديال الموتة لا غادا نكون بحال "امي" نتزوج و نولد و نطيب و نغسل الماعن و نصبن و نطيب شي شهيوات بحال شميشة واخا را شميشة لاباس عليها انا غير على قد الحال  صافي صافي لقيتها غادا نكون بحال  " با" غادا نبيع بطاطة و خيزوا و شفرول .....او غادا نبيع الحوت لا غادا نزرع الشعير  بصح علاش ما نديرش هاد شي كلوا  ساهل باش ندير طبيبة او معلمة او استادة او ربت بيت او خضارة او حواتة في الحلم اش من حلم و انا ديما كنبغي نكون حرة و نطير في السما و لكن هاد شي غير في الحلم علاش ما نقدرش نطير في الواقع علاشششششششش ؟؟؟؟؟؟؟؟؟؟؟؟؟

ايه البارح كنت خارجة و انا ندير داك شي لي كعجبني طلعت في نافورة و خديت بلاصة بوحدي بقيت كنحلم انني كنطير و لكن طرت غير بجناح واحد حيت الجناح (يدي) اخر كانت فيه واحد البلاستيكة واخا هكاك عجبني الحال بزاف اه و مشيت حدى البحر واحد البلاصة صغيرة كانت خاوية و انا نبدى نقرأ على انيمة بحال شي مسطية لا هاديك ساع كنت فرحانة بزاف و ما كنتش كنحس بلا شي واحد مقيدني كنت كنحس بالحرية و خصوصا ان انيمة كانت كتضحك و انا نقول ليها فاش كنت صغيرة كان كيعجبني المسرح و باقا عاقلة بزاف على واحد المسرحية و باقا على حتى الدور ديالي لي كنت انا فيه ربت بيت و كنت كنطيب او درت سكر في الحريرة او ملح في القهوة و هاد شي لي باقا عاقلة عليه صراحة واو شحال كانت زوينة هاديك المسرحية واخا كانت تافهة

اه عرفتوا دابا اشنوا درت الكترميكانيكية حيت ما عندها حتى شي علاقة مع هادوك الخدمات لي كنت باغا ندير باش ما يبقى الحال في حتى شي واحدة هههههههههههه  حيت هما كيغيروا من بعضياتهم  بزاف بحالي انا مع خويا راه عزيز علي بزاف و لكن كنغير منوا حيت هو لي فاز اه هو لي بقى حدى "امي" واخا انا لي كنت قريبة منها اكثر منوا

اه ما قلتش ليكم " با" هاديك نهار قال لي بعلوكة وليتي كتفهمي عليا و انا يبقى في الحال و لكن دابا فهمت علاش قالها حيت هو لي كان كسمعني كنقول ليه راني باغا نكون و نكون او ما كنتش حيت انا فاشلة  فاشلة في كل شي ما كينش شي حاجة ما فاشلاس فيها لا دابا غادا نكون ما فاشلاش عرفتوا فاش غير في الحلم الحلم الحلم الحلم شحال زوين او بزاف

المهم الى جاتني شي فكرة واحدة اخرى  و لا بدلت رأيي في رأسي غادا نكتب شي مسرحية واحدة اخرى يمكن غير نكمل الباقي لي عندي في جيبي او لي في دماغي او باحرى في حللللميييييييييييييي      

Posté par magheribia à 13:24 - Commentaires [19] - Permalien [#]


Commentaires sur الحلم

    كان ودي اقراء اللي انتي كاتبته لكن اللهجه صعبه
    تحياتي

    Posté par layal, 23 juin 2006 à 12:13 | | Répondre
  • مبروك على المدونة الجديدة


    يمكن تكون اللهجة صعبة فعلا مثل ما قالت ليال
    في انتظار جديدك .

    Posté par عبدالرحمن, 24 juin 2006 à 10:04 | | Répondre
  • al amal

    slt cava
    nti ila makanch 3andak l amal f l7ayat bla mat3ichi o madam ba9a 3aycha idan 3andak l amal khasak rir t9awih bliman f lah sb7anah nti ma chi fachla nti naj7a o madam lah khal9ak idan 3andak chi dawr f had l7ayat s3iba ila maknch daba radi ykon man ba3d ti9i biya ila nti briti tnaj7i radi tnaj7i oila briti l l7ayat ti9i biya radi tabric 7tahiya c mon num ila 7tajitini f chi 7aja0664506475 byyyy

    Posté par salwa, 15 novembre 2009 à 20:45 | | Répondre
  • welcome,)

    Posté par foulla, 30 juin 2006 à 20:46 | | Répondre
  • لغة الحلم

    نسيتم ان الأخت مغربية لا يمكنها ان تحلم بالفصحى كباقي الأمة العربية.ماتكتبه المغربية مجرد حلم وضحك وهزل فما الداعي إذاََ للانظباط والانحناء للنحو والقاموس.

    Posté par رضوان تروان, 03 juillet 2006 à 00:32 | | Répondre
  • لغة الحلم

    نسيت إدراج هذه الحكاية وهي حكاية اصلها حلم حلمته أيام غزو أمريكا للعراق.رايت فيما يرى الحالم أن بوش يزور العائلة بالبيضاء بل تجرأ وتشجع وترك إبنه الصغير أمانة عندنا ودار بيني وبينه حوار مطول لم يكن أبدا في السياسة...حكيت الحلم للأصدقاء وسألني أحدهم عن لغة الحوار.لحد الساعة لا اعرف بأي لغة تكلمنا،والشيء المؤكد أنها لم تكن لغة شكسبير ولا الكوبوي بدليل أن جدتي كانت حاضرة في الحلم بل هي من كانت ترعى إبن بوش.

    Posté par رضوان تروان, 03 juillet 2006 à 00:37 | | Répondre
  • tres bien magheribia

    Posté par zoro87, 05 juillet 2006 à 13:07 | | Répondre
  • salam

    salam we rahmato alah
    la vie c est un ke reve pour vivre en doit pas cesser de rever, le reve c est d avoir c epoir ke demain sera beau et ke nos reves un jours sera a notre plateau, alors je souhaite ke tu sera jamais de reve, moi aussi je reve et je reverais tj jusqu a la fin de mes jours.
    simo

    Posté par simosss, 05 juillet 2006 à 14:05 | | Répondre
  • النــــعـــاس

    السلام عليكم ورحمة الله.
    تبارك الله على ختنا المغربية وخلاص... سمحي ليا راني كنت دايز ونا نطركك نشوفك واش فقتي ولا مازال... المهم، حنا كانحلمو بزاف حيت ديما ناعسين... ماعرفت وقتاش غادين نفيقو؟؟
    فراسك 1 خونا في الله مشا لجابون، وصبح ناعس حتى 10 ، ملي فاق لقاهوم غادين بيه باش ادفنوه... احساب ليهوم مــــــــات... إيوا ذوزي بخير ألــلا المغربية... تحياتي الخالصة.

    Posté par ميلود الشلح, 06 juillet 2006 à 13:22 | | Répondre
  • merci a tt le monde

    ليال , رضوان و عبد الرحمن اعتدر لانكم لم تفهموا اللهجة و لكن انا تعمدت الكتابة بلهجتي لتعبير على
    ما بداخيلي و شكرا لزيارتكم
    سيمو صحيح الحلم هو اساس الحياة و شكرا لزيارتك
    ميلود صحيح كل العرب نائمين و لكن يوجود البعض منهم الصاحين و لكن الحلم لا يعني النوم العميق انا فقط اردت التعبير عن شيئ يعنيني هدا لا يعني انني طول الوقت نائمة و شكرا لزيارتك

    Posté par halima, 08 juillet 2006 à 22:20 | | Répondre
  • أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
    اتمني ان ندون مدونه واحد بتاريخ 27/07/2006
    كلنا كمدونين نكرر عباره واحده
    كلنا مع لبنان وفلسطين ضد اسرائيل والمحتلين
    بالعربي بالانجليزي المهم نسمع صوتنا للعالم
    وان لم نستطيع حمل السلاح فالنحمل الكلمه
    وبأي لغة نستطيع نشرها
    بالإنجليزية
    We are with Lebanon and Palestine against Israel and occupiers
    والفرنسية
    Nous sommes avec tous le Liban et la Palestine contre l’Israel et les occupants
    والألمانية
    Wir sind zusammen mit dem Libanon und Palästina gegen Israel und Besatzer
    والإسبانية
    Somos todos con Líbano y Palestina contra Israel e inquilinos
    والصينية
    我们都是同黎巴嫩和巴勒斯坦对以色列占领者
    واليابانية
    私達はイスラエル共和国および占有者に対してレバノンおよ
    びパレスチナとのすべてである
    تحياتي للجميع

    Posté par LAYAL, 19 juillet 2006 à 09:41 | | Répondre
  • أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
    اتمني ان ندون مدونه واحد بتاريخ 27/07/2006
    كلنا كمدونين نكرر عباره واحده
    كلنا مع لبنان وفلسطين ضد اسرائيل والمحتلين
    بالعربي بالانجليزي المهم نسمع صوتنا للعالم
    وان لم نستطيع حمل السلاح فالنحمل الكلمه
    وبأي لغة نستطيع نشرها
    بالإنجليزية
    We are with Lebanon and Palestine against Israel and occupiers
    والفرنسية
    Nous sommes avec tous le Liban et la Palestine contre l’Israel et les occupants
    والألمانية
    Wir sind zusammen mit dem Libanon und Palästina gegen Israel und Besatzer
    والإسبانية
    Somos todos con Líbano y Palestina contra Israel e inquilinos
    والصينية
    我们都是同黎巴嫩和巴勒斯坦对以色列占领者
    واليابانية
    私達はイスラエル共和国および占有者に対してレバノンおよ
    びパレスチナとのすべてである
    تحياتي للجميع

    Posté par LAYAL, 19 juillet 2006 à 09:43 | | Répondre
  • wa fi9i chewiya

    Posté par Anima, 04 novembre 2006 à 11:20 | | Répondre
  • mach m3ak

    إلى أنيما
    شكون ناعس

    Posté par tazart, 18 novembre 2006 à 13:48 | | Répondre
  • tazart wa had halima ma banatch lik na3ssa?
    katbate article 1 wa na3ssate
    wa zaydoun nti malak fine ma mchite nal9ak salama

    Posté par anima, 21 novembre 2006 à 13:30 | | Répondre
  • لأا صعبة ولا حاجة

    انا فهمت كل حاجة

    Posté par أكتب بالرصاص, 23 novembre 2006 à 08:15 | | Répondre
  • فين الجديد ؟

    ليه ما كتبتيش شيء جديد

    احنا كاننترزوك


    تحياتي

    Posté par أكتب بالرصاص, 12 décembre 2006 à 06:07 | | Répondre
  • nti gzala

    kon kant femm marocain katfkr biroh nakd li 3andk kon bsh mabkinach kanhalmo a halima walakin hadok khaibat 3awaniss li kaihadro bsmit la femme maroc sabab fi hala dialna machakil m3aha ila bgitiha wila tjowjti biha wila khlitiha nti 3aklk flmostawa cadeau nokta wahd ba3 chbakia f japan drboh lahkach sban bjaponia

    Posté par hicham salè, 11 mars 2007 à 12:13 | | Répondre
  • merci

    merci pour nokta ana wakha hakak rani m3a la femme kif ma kante khayeba ola zewina ketebka femme ou hia une parti meni dak chi 3lach ma nekedarch ne3ayeb fiha ken temena nete3aref 3la le blog dialek hit ma khaliti li wallo 3lih wa momkin

    Posté par halima, 25 mars 2007 à 16:22 | | Répondre
Nouveau commentaire